Nuk mund të mbyllej më bukur dita e sotme sesa me të rinjtë inovatorë të Kryeqytetit, djem dhe vajza të talentuar në fusha të ndryshme të shkencës.
Finalizuam në këtë mënyrë konkursin që Drejtoria e Përgjithshme e Pronësisë Industriale kishte lancuar këtë vit nën sloganin “Pronësia Intelektuale dhe Rinia – Inovacioni për një të ardhme më të mirë”.
Një traditë e krijuar tashmë prej vitesh, Drejtoria e Përgjithshme e Pronësisë Industriale në bashkëpunim me Bashkinë Tiranë, Vigan Group dhe Dhomën e Tregtisë dhe Industrisë Tiranë,
organizuan në mjediset e Amfiteatrit të Parkut “Rinia” konkursin me Institucionet e Arsimit të Lartë dhe parauniversitar.
Morën pjesë:
Universiteti Politeknik i Tiranës;
Fakulteti i Shkencave të Natyrës;
Fakulteti Gjeologji-Miniera
Universiteti EPOKA;
Shkolla Harry Fultz;
Shkolla profesionale Gjergji Canco.
Studentët dhe të rinjtë inovator të qytetit të Tiranës shprehën idetë e tyre krijuese për një të ardhme më të mirë.
Për të gjithë studentët dhe nxënësit e talentuar të konkursit u shpërndanë materiale promovuese dhe çertifikata pjesëmarrjeje.
Krijimet më të mira me ide inovatore u vlerësuan me çmime simbolike nga partnerët tanë mbështetës.
Juria e konkursit e përbërë nga:
znj. Keti Luarasi, Bashkia Tiranë,
znj. Arjodita Mustali, Vigan Group,
znj. Albana Laknori, Sekretare e Përgjithshme e Dhomës së Tregtisë dhe Industrisë Tiranë si dhe,
znj. Gentiana Bardhi Përgjegjëse në Sektorin e Patentave pranë DPPI vlerësuan me çmime këta të rinj përfaqësues të këtyre shkollave:
Fituesi i vendit te parë :
Shkolla “Harry Fultz” çmimi ofruar nga Bashkia Tiranë;
Fituesi i vendit tē dytë nxënës të shkollës teknike “Gjergji Canco”, çmim i ofruar nga shoqëria “Vigan Group”;
Fituesi i vendit të tretë, Universiteti “Epoka” çmim i ofruar nga Dhoma e Tregtisë dhe Industrisë.
Në përfundim të eventit, Drejtori i Përgjithshëm i DPPI, znj. Rovena Beqiraj duke theksuar dhe njëherë rëndësinë që ka mbrojtja e të drejtave të pronësisë intelektuale për të rinjtë me ide inovatore, falenderoi bashkëpuntorët si dhe pjesëmarrësit në konkurs për angazhimin dhe përkushtimin e treguar në realizimin e këtij konkursi.
