Konkursi ”Të mbrojmë të drejtat e Pronësisë Industriale”

Viti 2020

Konkursi “Të mbrojmë të drejtat e Pronësisë Industriale në Republikën e Shqipërisë”

“Të mbrojmë të drejtat e Pronësisë Industriale në Republikën e Shqipërisë” ishte slogani i konkursit të këtij viti që Drejtoria e Përgjithshme e Pronësisë Industriale organizoi me gjimnazet e qytetit të Tiranës. Sistemi parauniversitar i Tiranës ka qenë për disa vite i përfshirë në trajnimet e ofruara nga stafi i DPPI-së, në përfundim të së cilave organizohej një konkurs mbi njohuritë e përfituara.

Këtë vit nisur nga pamundësia që na krijoi situata e pandemisë, në zbatim të masave të protokollit të sigurisë COVID-19, Drejtoria e Përgjithshme e Pronësisë Industriale propozoi zhvillimin e një konkursi on line. Nxënësit  mbështetur në njohuritë e marra gjatë ciklit mësimor si dhe materialeve promocionale që DPPI u vuri në dispozicion u ftuan të prezantojnë krijimet e tyre kryesisht (krijimtari dhe inovacion) mbi objektet e pronësisë industriale.

Konkursi u zhvillua nga Drejtoria e Përgjithshme e Pronësisë Industriale në bashkëpunim dhe me mbështetjen financiare të projektit Shqiptaro-Zvicerian ALSIP, të cilët dhuruan për çmimet e para fituese laptop dhe tabletë si dhe mbështetjen e kompanisë Agna Group & Pepsi që ofroi kuponë blerjesh për tre fituesit.

Ceremonia e ndarjes së çmimeve u mbajt pranë ambjenteve të DPPI duke respektuar masat e vendosura nga protokolli Covid-19.

Pjesë e aktivitetit ishin nxënës të shkollave:

Arben Broci,

Sinan Tafaj,

Partizani,

Harry Fultz

Sadik Stavileci

Turgut Ozal.

Shkolla fituese e vendit të parë për punimin më të mirë u shpall Kolegji Turgut Ozal. Ky konkurs vjen si aktivitet i parashikuar edhe në Strategjinë Kombëtare e Pronësisë Intelektuale (2016-2020) dhe përveç natyrës së tij informuese dhe ndërgjegjësuese,  ka si qëllim edhe edukimin e brezit të ri.