Nxënësit e gjimnazit ”Arben Broci” u njohën sot me fushën e pronësisë industriale, objektet e saj si dhe rëndësine e regjistrimit të tyre pranë institucionit tonë.
Gjatë takimit u prezantua konkursi “Ne krijojmë për Planetin” duke ftuar nxënësit e kësaj shkolle të jenë pjesëmarrës në këtë konkurs.
Me këtë gjimnaz ne përmbyllëm ciklin e takimeve informuese dhe prezantimin e konkursit për nxënësit e arsimit parauniversitar.
Jemi entuziast dhe kureshtar të njihemi me punimet e nxënësve që me talentin dhe me pasionin që i karakterizon do arrijnë të krijojnë punime sa të bukura aq dhe praktike.
26 Prilli, dita e finalizimit të konkursit na pret me disenjime dhe plot ide inovatore për një mjedis të pastër dhe sa më të gjelbër.
