Trajnimi i mësuesve në ZVA Tiranë

Finalizuam me sukses pranë shkollës “Andon Zako Çajupi”, në kryeqytet projektin që Drejtoria e Përgjithshme e Pronësisë  Industriale kishte lancuar këte vit nën sloganin “Train the Traines në fushën e Pronësisë Industriale për mësues në sistemin parauniversitar”.

Në kuadër të projektit u zhvillua një cikël trajnimesh në zyra arsimore të vendit, nga ku mësuesit pjesëmarrës patën mundësinë të merrnin njohuri të vlefshme rreth fushës së Pronësise Intelektuale.

Për të gjithë mësuesit pjesëmarrës në trajnime janë shpërndarë certifikata pjesëmarrje, vendosur në dispozicion materiale, botime të ndryshme dhe prezantuar faqja e web-it https://www.shkollatpi.dppi.gov.al, detikuar arsimit parauniversitar.

Qëllimi kryesor i trajnimeve ishte informimi i arsimtarëve, njohja me objektet dhe të drejtat e pronësisë industriale, integrimi i njohurive në proçesin mësimor dhe ndërgjegjësimi tek brezat e rinj lidhur me fushën.

Një falenderim i veçantë për të gjitha strukturat arsimore, ZVAP-t dhe ASCAP, për angazhimin në këtë projekt, që synon të zhvillojë tek mësuesit njohuritë teorike në fushën e pronësisë industriale.

Mirënjohje dhe respekt për çdo mësues që përmbush me përkushtim e dashuri misionin fisnik të përgatitjes dhe edukimit të brezit të ri.

Së bashku me partnerët tanë mbështetës që bën të mundur realizimin e këtij projekti, do punojmë për integrimin e pronësisë industriale si modul në kurrikulat mesimore dhe vijimin e këtij projekti në zyra të tjera arsimore të vendit.