![](https://shkollatpi.dppi.gov.al/wp-content/uploads/2023/11/Capture-4-150x150.jpg)
Trajnimi i mësuesve në ZVA Elbasan
November 13, 2023![](https://shkollatpi.dppi.gov.al/wp-content/uploads/2023/11/Picture16-150x150.jpg)
Konkursi ”Të mbrojmë të drejtat e Pronësisë Industriale”
November 13, 2023
Më datë 6 Tetor ishim në qytetin e Lezhës, në një nga shkollat e këtij qyteti, në shkollën Besëlidhja, ku në bashkëpunim me Zyrën Vendore Arsimore të këtij qyteti mblodhëm së bashku rreth 50 mësues të profileve të ndryshme për të zgjeruar më shumë njohuritë në fushën e pronësisë industriale dhe intelektuale.
Jemi drejt përfundimit të ciklit të trajnimeve të zhvilluar me mësuesit e sistemit të arsimit para-universitar në fushën e pronësisë industriale, në kuadër të projektit “Train the Trainers”.
Ky ka qënë një nga projektet që ka patur një interes të veçantē nga mësuesit nisur nga dëshira dhe profesionalizimi i tyre për të rritur dijet në këtë fushë si dhe për të edukuar brezat e rinj me njohuri dhe koncepte bazë të të drejtave të pronësisë intelektuale.
Ky projekt është një iniciativë e DPPI, në bashkëpunim të ngushtë me Ministrinë e Arsimit dhe Sporteve dhe Agjencinë e Sigurimit të Cilësisë së Arsimit Para Universitar, ku së fundmi êshtë nënshkruar një marrëveshje bashkëpunimi.
Trajnimi i mësuesve në shkallë vendi, vjen si rekomandim i Organizatës Botërore të Pronësisë Intelektuale, si një indikator i qëndrueshëm në edukimin e brezave të rinj.
Gjatë prezantimeve të objekteve të pronësisë industriale nga përfaqësuesit e DPPI, u zhvilluan biseda interaktive midis të pranishmëve duke e bërë më interesante ciklin e trajnimit si dhe u transmetuan video ilustruese për objektet e pronësisë industriale.
Faqja zyrtare e krijuar enkas për mësuesit dhe për nxënësit në fushën e pronësisë intelektuale ishte një tjetër mjet i rëndësishëm i ndarë me të ftuarit, ku mësuesit dhe nxënësit mund të marrin informacion të saktë, të thjeshtë në lidhje me këtë fushë. (https://shkollatpi.dppi.gov.al)
Në mbyllje të trajnimit u shpërndanë çertifikata për të gjithë mësuesit pjesëmarrës, si dhe një gamë të gjerë botimesh në fushën e pronësisë intelektuale duke përfshirë dhe modulin e pronësisë intelektuale dhe planin e saj të punës.
Një falënderim i veçantë shkon për Zyrën Arsimore Lezhë për mbështetjen dhe bashkëpunimin e arritur ndërmjet dy institucioneve.
![](https://shkollatpi.dppi.gov.al/wp-content/uploads/2023/11/Cover-1200x788.jpg)
![](https://shkollatpi.dppi.gov.al/wp-content/uploads/2023/11/all-1200x790.jpg)
![](https://shkollatpi.dppi.gov.al/wp-content/uploads/2023/11/Capture-5-1200x795.jpg)
![](https://shkollatpi.dppi.gov.al/wp-content/uploads/2023/11/Capture1-1200x789.jpg)
![](https://shkollatpi.dppi.gov.al/wp-content/uploads/2023/11/Capture2-2-1200x817.jpg)
![](https://shkollatpi.dppi.gov.al/wp-content/uploads/2023/11/Capture3-1-1200x797.jpg)
![](https://shkollatpi.dppi.gov.al/wp-content/uploads/2023/11/Capture4-1-1200x786.jpg)
![](https://shkollatpi.dppi.gov.al/wp-content/uploads/2023/11/Capture5-1-1200x785.jpg)
![](https://shkollatpi.dppi.gov.al/wp-content/uploads/2023/11/feature-1200x719.jpg)
Për me tepër klikoni këtu